من زمان ضعتي مني
مش بكيفي غصب عني
كنتي قلبي وكنتي نني
لكن خـــاب فيكي ظني
لما قولتي في يوم قابلني
حبك عن العالم عازلني
وقتهــــــــا حسيت كأني
شخص عـــاجز ده لأني
حاجتي كانت أقوي مني
كنت بحلم وأنا صاحي
انك يــــــــوم تكوني ليا
قبل مــا تصحي جراحي
وتحركي الدمـع ف عينيا
كنت لمـا بكتب اسمك
كان عطر الحروف يفوح
ولما كان يزورني رسمك
كنت اقول اسمك وابـوح
كنتي نسمة فجر صافية
بعد ليل ضلمة وطويل
وابتسامة لوجهي كافية
وانسي معها المستحيل
كنت لما أكون لوحدي
كنت أحكي لنفسي عنك
كنت أوصف لي جمالك
كنت فاكر اني ف خيالك
رغم انك كنتي عارفة
اننا في آخر الطريـــق
وان بحر الحب واسع
واني فيه وحدي الغريق
فاكره لما قولت نبعد
قولتي نبعد . ليه حرام
حبنا في قلوبنا عايش
ليه يضيع وسط الزحام
ليه بسهولة . ليه نضحي
هوه فيه في العمر كام
فاكره ده في آخر لقاء
كان في مايو لسه فاكر
كنت واقف أيوه جنبك
عند شبــــــــاك التذاكر
كنا نبكي في وقت واحد
والدمــــوع شبه الدماء
لما ســـــالت ع الرصيف
بعد مــــــــا شبع الرداء
شكلها كان شيء مخيف
كنا في عز الربيــــــــــع
لكني حسيت بالخريــــف
آخر لقاء في شهر مايو
والغيــوم كست السماء
واسودت الدنيا ســاعتها
كأننا في ليـــــل الشتاء
واختفيتي من غيـر وداع
ولا كلمة عن أمل اللقاء
من زمــان ضعتي مني
مش بكيفي غصب عني
ورغم وجعي مش نسيت
كلمة حلوة من كلامـك
وفي خيالي رسمت بيت
عشت فيه أنا مع غرامك
من زمان ضعتي مني
___________________
كلماتي / محمود إبراهيم علي
