على نهج الفلكلور الشعبي لأغنية يا نواااعم يا خوخ – بقلم : عبير شاعرة الريف
يا نواااعم يا خوخ .. يا نواااعم يا خوخ
شوفوا جمال البت حكايه
سحر عنيها ملوهش نهايه
خدها ورد احمر ومنور
ورموشها دي تقولش صاروووخ
يا نواااعم يا خوخ .. يا نواااعم يا خوخ
إوعه يا واد تشبك في هواها
لــ حسن تتعب قوي وياها
مش هتنام الليل من شوقك
وهتجري وراها وهتدوووخ
يا نواااعم يا خوخ .. يا نواااعم يا خوخ
شفايفها فراوله ورماني
سهم هواها ف قلبي رماني
شعرها ليل سايح بيهفهف
بــ تعمر أجدعها نافوووخ
يا نواااعم يا خوخ .. يا نواااعم يا خوخ
دي جبينها كما بدر منور
والطله سبحان من صور
محروسه من عين عزالها
هرقيها بشبه وفسوووخ
يا نواااعم يا خوخ .. يا نواااعم يا خوخ
أنا رايح لأبوها اخطبها
وهنفذ لو أيه مطلوبها
ونلم الشمل و نتأهل
ونفرق شربات الخوووخ
يا نواااعم يا خوخ .. يا نواااعم يا خوخ
يا نواااعم يا خوخ .. يا نواااعم يا خوخ
