لو غالى وطنك عليك – شعر : محمود ابراهيم
محمود ابراهيم
فكر في ابنك
وابنى للوطن أمجاد
واكـتب لبلدك تاريخ
تدرسه الأحفاد
انسى الصراع اللي بينا
ومدلى ايدك
واغرس أشجار المحبة
واحرق الأحقاد
فـكر في ابنك
وابنى للوطن أمجاد
———————–
لو غالى عليك وطنك
وخايف عليه بجد
تدافع عن كل شبر
وتكونله حائط صد
لا تحرق ولا تدمر
وترجع تاريخ الجد
لا تيتم طفل برئ
ولا تنزل دموع ع الخد
لو غالى وطنك عليك
وخايف عليه بجد
———————
لو غالى وطنك بجد
بعقل الحكيم اختار
تشيل معاى الحمل
ونكمل المشوار
لا تسمع كلام مصطفى
ولا كلام بكار
المصري عقله سليم
لا يرائي ولا يحتار
لو غالى وطنك بجد
بعقل الحكيـم اختار
————————-
زمن الكلام انتهى
مد لأخووك ايدك
نبنى بلدنا سوا
أنا دمى في وريدك
نقسم رغيف العيش
والضحكة تجمعنا
والشده بتلمنا
وعيدي يصبح عيدك
زمن الكلام انتهى
مد لأخووك ايدك
————————-
كلماتي / محمود إبراهيم علي
