وانا مش فاهم – شعر : محمود رمضان
محمود رمضان
وانا مش فاهم
وكنت مفكر
بإن المشي بإرادتي
فأقول جي
وأقول رايح
وأقول في السكه دي ح امشي
وفي السكه دِيَّ
ما مشيش
واتاريني
على سير محركني
يمد بِيَّ
ويهدِّي
وانا مش فاهم
واقول
يا خطوتي مِدِّي
مفكر إني بتحرك
وإن الحركه دي بيدي
وانا مش فاهم
بإني عيشت طول عمري
مفكر إن انا الماشي
واتاريني
………….. ما بمشيش
———————–
محمود احمد رمضان _ مصر
———————————
___[] المؤتمر الأوّل لرابطة المثقفين الأفارقة []__
* الإبداعُ الإفريقي المعاصر
